Davao City – Gipasidan-an karon ni Sen. Antonio Trillanes IV sila presidential son Paolo Duterte ug ang bayaw niini nga si Atty. Manases Carpio human kini nipatim-aw sa arraignment proceedings ug mi-plead nga ‘not guilty’ Enero 15 sa buntag may kalabutan sa upat ka ihap sa kasong libel batok kaniya nahitabo sa Regional Trial Court (RTC) Branch 54 sa Ecoland, ning syudad sa Davao.
Sa interbyu kaniya, gibutyag niini nga lingin ang kalibutan diin ginadawat lang niini ang mga akusasyon nga gitawag niyang ‘harrassment’ lamang ug usa ka distraksyon sa iyang papel isip membro sa oposisyon busa kinahanglan mamahimong andam ang duruha sa mga posibleng hagit nga atubangon usab niini.
“Sa akin naman kasi umiikot ang mundo… tinatanggap ko lang, sinasalo ko lang ang lahat ng mga paghamon na binibigay nila sa akin pero darating din ang panahon na sila rin ang tatanggap nitong ibat-ibang mga hamon so they should be ready also,” saysay ni Trillanes.
Sa pikas bahin, gihulagway sa sendaor isip ‘surprisingly warm’ ang nahimong pagdawat sa mga Dabawenyo luyo sa pagdeklara kaniya nga ‘persona non grata’ dinhi sa syudad subay sa pagtawag sa Davao isip ‘most dangerous city in the Philippines’.
“Lahat tayo ay Pilipino, yung iba nakakaintindi sa mga ginagawa ko kaya maganda yung pagsalubong pero of course naintindihan din natin yung iba na nasasaktan dun sa mga proposition ko laban sa administrasyon na ito pero that’s how democracy works in this country,” pagpasabot ni Trillanes.
RadyoMaN Jason Amisola
