Patay nang nakit-an ang usa ka trisikad drayber mga alas tres karong hapon sa Zone 5, Pulot, Barangay Baluarte, Tagoloan, Misamis Oriental.
Kini ang gikumpirma ni PO1 Aljon Linaban, desk officer sa Tagoloan Municipal Police Station sa interview sa dxCC-RMN Cagayan de Oro.
Matud ni PO1 Linaban nga ang biktima mao ang 30 anyos nga si Dandee Piones, 30 anyos, ulitawo ug taga Zone 6, TTI, Baluarte, Tagoloan sa maong lalawigan.
Nakit-an ang patayng lawas ni Piones pinaagi sa manginhasay nga si Haike Cabunoc, 22 anyos, ug residente sa maong barangay.
Gituohan sa kapulisan sa Tagoloan nga nalumos ang biktima nga ulahing nakit-an sa mga residente mga alas 12 kagahapon sa udto.
Gidugang ni PO1 Linaban nga nailang palahubog sa ilang lugar ang biktima.
