Labangan, Zamboanga del Sur – Nakadawat og pasidungog ang tropa sa 53rd Infantry “Matapat” Battalion atol sa Change of Command Ceremony nga gipahigayon sa headquarters sa Camp Cesar Sang-an, Labangan, Zamboanga del Sur.
Gidawat ni Lt. Co.l Marlowe E Patria, Commanding Officer sa 53rd IB ang Command Plaque gikan sa kanhing labaw sa1st Infantry “Tabak” Division nga si MGen Roberto Ancan nga bag-o lang gipulihan sa pwesto ni BGen. Generous ” Gene” Ponio.
Ang plaque of recognition nga nadawat sa battalion gumikan sa pagpaninguha nga masanta ug mapukan ang Guerilla Front Kara sa Communist Terrorist Group nag naglihok sa probinsya sa Zamboanga del Sur.
Gipasalamatan usab ni Lt. Col. Patria tibuok niyang tropa ug lakip nga iyang giila ang suporta sa mga partner-stakeholders, partikyular na sa Provincial Task Force to End Local Communist Armed Conflict (PTF ELCAC) nga gipangunahan ni Provincial Governor, Hon. Victor J Yu.
