Truck Driver nga napatay sa operasyon sa kapulisan-dugay nang gimonitor tungod sa kalambigitan sa droga

29

General Santos City—Dugay nang gimonitor sa Tropa sa Police Station 6 ang target sa buy-bust operation nga si Mariano Baladjay Jr. nga residente sa Nasa, Brgy, Fatima ning dakbayan sa Gensan kansa namatay sa operasyon nga una ng gipahigayon sa Sharif Mocsin, Barangay Baluan, Gensan.
Sumala kang Police Lt. Omar Baret, Deputy Station Commander sa Police Station 6 nga dugay na nilang gi-monitor ang nahisgutan hangtud nga gihimo ang operasyon.
Nakamatikod matud pa ang suspek nga pulis ang iyahang ka-transaksyon ug gipabuthan ang operatiba hinungdan nga kini napusilan.
Dugang pamahayag ni Lt. Baret, nakuha gikan sa posisyon sa suspek ang kalibre 38 nga armas, buy-bust item ug laing tulo ka sachet sa gituohang shabu.

Saysay niini nga kasagaran nga parokyano sa suspek ang mga kauban gihapon niining mga driver.


Pagkumpirma ni Baret nga anaa sa ilahang watch list ang nahisgutang suspek ug dugay na kining notado nga nahilambigit sa illegal nga droga.

Samtang gibutyag sa asawang si Michelle nga wala siya’y kasayuran sa kalambigitan sa illegal nga droga sa iyahang bana gumikan kada semana lang kining naga-uli sa ilang panimalay.

Sumala pa nga adlaw’ng Martes sila uwaheng nagka-istoryahanay sa iyahang bana kung asa natanggong matud pa kini sa iyahang byahe tungod dugay kining nakargahan.Gawas-sulod matud pa kini sa rehiyon gumikan maka-abot kini sa Davao tungod sa iyahang trabaho.(LVR)

Facebook Comments