Dao, Capiz – Natumba ang isa ka 10-wheeler truck sa Barangay Nasunogan, Dao, Capiz kahapon sang aga. Ginpangdala sa ospital ang duha ka mga persona nga sakay sa nasambit nga truck nga amo sanday Jomar Espinosa, 34 anyos sang Iligan, Isabela nga amo ang driver kag ang pahinante sini nga si Arsenio Moscario, 26 anyos sang La Union.
Nahibaluan nga nagikan sa syudad sang Iloilo ang nasambit nga truck kag padulong ini sa Roxas City. Base sa imbestigaayon sang Dao PNP, ginasubay sang truck ang national road nga sakop sang Brgy. Nasunogan sang hinali lang nga may salakyan nga nagpang-agaw sang linya.
Naglikaw ang truck apang natumba ini kag nagbunggo sa poste sang kuryente. Bangud sang pagbunggo sang truck sa poste nadulaan sang kuryente ang pila sa mga kabanwahanan sa segundo distrito.
*(Photo from Yanyan Parrenas)*
