Truck nawad an og preno sa Matina Pangi crash

Davao City- Tungod sa kabug-aton sa kargang construction materials ang hinungdan nga nawad-an og preno ang usa ka forward truck atol sa nahitabong disgrasya didto sa Diversion Road, Matina Pangi siyudad Davao sa alas 12:00 sa udto gahapong adlawa.

Sa interview kang Police Staff Sergeant Ryan Ingutan, Talomo PNP investigator miingon kini nga wa na makontrola sa drayber nga si Canet Gaspar Mobe ang maong truck human mibangga kini ngadto sa poste sa kuryente ug midiretso sa kawayanan ang sakyanan.

Atol sa road crash upat ang dead on the spot nga sila Miel Jay Quillosa, 19 anyos nagpuyo sa Amakan, Buhangin District, Justin Lumanta, 19 anyos ug Rolly Balaquiso residente sa Brgy. Mahayag, Buhangin District siyudad diin lakip nabawian sa kinabuhi ang driver nga si Canet Gaspar Mobe.


Subling nagpahinumdom ang kapolisan ngadto sa mga drayber ug mga motorista nga mag amping sa pagmaneho sa ilang sakyanan.

Pahinumdom pa ni Ingutan nga dili magpakusog og padagan ilabina sa lugar nga sagad duna gyoy madisgrasya. Dugang pa niini una paman mobyahe inspeksiyonon una ang sakyanan kun kondisyon ba ang makina aron malikayan ang disgrasya.

RadyoMan Don Pulayao

Facebook Comments