TRUCK NGA KARGADO SANG KAWAYAN, NAHULOG SA TAKLADON NGA DALAN SA ALIMODIAN MATAPOS NAPATYAN SANG MAKINA.

589

Masuwerte nga nakaluwas ang driver kag pahinante sang truck nga kargado sang kawayan matapos mahulog sa takladon nga dalan sa barangay Tugaslon, Alimodian mga alas 2 kaina sang hapon (Marso 3)

Ginpahayag ni Patrolman Rolly Mingues sang Alimodian PNP nga kapin sa 400 ka kawayan ang karga sang truck nga ginapanag-iyahan ni Daryl Superioridad kon sa diin paglab-ot sa takladon nga karsada sang Barangay Tugaslon , napatay ang makina sang salakyan.

Bangud sini, nagdalusdos ang truck kag nahulog kon sa diin nagtakilid ini kag masuwerte nga wala man sang malain nga natabu sa mga sakay sini magluwas lamang sa naangkon nila nga mga gasgas.

Facebook Comments