General Santos City–Wala matud pay early warning device ug walay suga ang usa ka Fuso truck nga nakababag sa dalan nga bahin sa Purok 14, Diversion Road, Barangay Apopong ning syudad hinungdan nga nabangaan patay sa mga motorista nga si Ian Mark Gulanday, 25 anyos nga nanimuyo sa Barangay San Jose ug back ride niini nga si Basirin Dasad, 34 anyos nga nanimuyo usab sa Sitio Sapu, Tboli South Cotabato.
Sumala pa ni Police Senior Master Sergeant Jose Sembrano Jr. ang Chief Investigator sa Traffic Management Unit nga sa dihang nagadagan ang motorsiklo sa mga biktima wala matud pa nila na matikdan ang nakababag nga truck hinungdan nga nabangaan, naka-angkon ug grabeng mga samad sa kalawasan ang mga biktima nga hinungdan sa ilahang kamatayon.
Sa karon nakig-alayon na ang mga personahe sa TMU sa nanag-iya sa maong truck nga si Zaina Odao Abas aron nga mahinabi ang mga kabanay sa namatay nga biktima.
Samtang posible usab nga mapasakaan ug kasong reckless imprudence resulting to homicide ang driver sa nahisgutang truck ug ang tag-iya niini.(Dave Silagan)
