Davao City – Patay ang angkas sa usa ka single nga motorsiklo human kini aksidenteng nabanggaan sa usa ka truck sa may Diversion Road, Maa ning siyudad sa Davao.
Ang biktima giila nga si Edgardo Arellano, nga taga-Puan samtang ang motorsiklo gimaneho ni Wilben Terafiel, 24 anyos nga taga Malalag Davao del Sur.
Base sa report paingon sa Southbound lane ang mga biktima sa dihang kalit nawad-an ang usa ka truck nga gimaneho ni Billy Joe Cervantes ug milampas kini sa pikas lane sa may Las Terrazas Subdivision, Ma-a, Davao City.
Wala na maka preno ang motor ug mihapak kini ngadto sa truck nga maoy daling giakmatyan ni Arellano tungod sa grabeng igo sa ulo ug kritikal usab ang driver sa motor nga gidala sa SPMC.
Gikustodiya na sa Talomo PNP ang driver sa truck.
RadyoMaN Paul Canono
