Truck ya cai na pampang

Un truck driver y su compañero ya salva na muerte despues el truck ta munta sila ya cai na pampang na Boalan del Huwebes tarde.
Asegun con el driver si Ian Del Rosario, junto conele si Arnold Macario, ambos de Salaan, encamino ya sila para bolbida estaba na pueblo y cuando ya llega sila na subida del Boalan serca na Citi Hardware ya ocuri el accidente.
Ta desculpa si Del Rosario con el un van que derepente yan balabag y ya bira para na este parte del ciudad.
Por evitar desgraciya, ya hace biguas si Del Rosario con el manibela hasta ya guinda sila na cantoy calsada y ya cai na pampang.
Nohay man tambien pasa nada con canda Del Rosario y Macario durante el accidente.