Aduna nay bag-ong Administrator ang syudad kini human nga gitudlo ni Butuan City Mayor Ronnie Vic Lagnada si Reynante “Rey” Desiata, isip Acting City Administrator hulip ni City Administrator Vicente Junnie Lagnada.
Si Dasiata ang kanhi Executive Assistant 4 sa Mayor nga gikan usab sa pribadong kompanya kini ang gibutyag ni Eldie David, City Public Information Officer.
Niya pa nga adunay bag-ong tahas nga gihatag ang mayor sa iyang igsoon nga si Junnie Lagnada diin gibutang kini sa City Planning.
Gawas sa City Administrator, bag-o na sab ang City Tourism Officer sa ngalan ni Vangie Dominise kini tungod usab sa bag-ong opisina nga mugnaon ang gitawag nga “tropical office” sa buhatan sa Mayor.
Gikumperma sab ni David nga gidawat na sa Mayor ang resignation letter ni Assistant City Administrator Churchill Aguilar ug sa kasamtangan siya ang gitahasan sa mayor nga mohimo sa trabaho nga gibiyaan ni AGuillar.
photo: Rey Desiata FB
