Davao City – Gitino karon sa Office of the Civil Defense-Davao Region (OCD-XI) nga mahitabo lang ang usa ka tsunami human sa pagtay-og sa linog.
Atol sa interbyu kang OCD-XI operations officer Franz Irag sa tulumanong ‘Straight to the Point’, gibutyag niini nga aduna nay mga na-identipika nga mga evacuation areas sa matag barangay diin gipahibalo usab kini pinaagi sa mga tarpaulins alang sa kasayoran sa mga residente diin kini sagad mga tulunghaan ingon man gymnasiums nga layo sa kadagatan.
Gi-awhag usab ni Irag ang katawhan nga dili gilayon mutuo sa mga post sa social media kabahin sa mga bagyo o mga kalamidad kung dili kini gikan sa mga hingtungdan’g ahensiya.
Gidasig sa OCD-XI ang Dabawenyo nga mupartisipar sa ipahigayon’g Second Wide Earthquake and Tsunami Drill ugma’ng adlawa, Hulyo 27, 2018.
RadyoMaN Jason Amisola
