Un tsuper de habal-habal ya muri despues chene con este quien ya lancia y ya saca pa su motorsiclo na bypass road del Lumbangan ayer madrogada.
El victima amo si Roderick C. Enriquez, casao, Cabaluay. Ya sufri este lanciada na su cuerpo y amo ya causa su muerte.
Con el cuerpo del victima ya descubri banda alas 6 del aga enantes, na urillando del cementao calsada.
El victima ta usa pa helmet con doble sombrero, de sweter, con pantaloon maong y sapatos Nike.
Ta cre el maga otoridad ya lleva pasajero si Enriquez na lugar y possible el mismo pasajero amo quien ya lancia conele y ya saca su Honda Wave motorsiclo.
El cell phone di Enriquez ya puede tambien recobri na su posecion.
Facebook Comments
