*Echague, Isabela- *Nahaharap ngayon sa patung-patong na kaso ang isang tsuper matapos magwala at masamsaman ng droga sa brgy Castillo, Echague, Isabela*.*
Kinilala ang suspek na si Marcialito Ambrocio, 55 anyos, may asawa at residente ng brgy San Fabian, Isabela.
Sa nakuhang impormasyon ng RMN Cauayan, inaresto ng mga rumespondeng pulis si Ambrocio matapos maabutan na nagwawala at nagsisigaw sa brgy Castillo hawak ang isang martilyo at metal screw at tangka pang salakayin ang kapitan ng nasabing barangay.
Nang isailalim sa body search ang suspek ay nasamsaman ito mula sa kanyang bulsa ng dalawang sachet ng mga tuyong dahon ng marijuana.
Nasa kustodiya na ng PNP Echague ang suspek na mahaharap sa kasong Direct Assault, Alarm and Scandal at paglabag sa RA 9165 o Comprehensive Dangerous Drugs Act of 2002.
*Tags: dwkd985cauayan, rmn cauayan, cauayan city, echague, isabela, pnp echague, brgy castillo, *Marcialito Ambrocio
