General Santos City–Gihingusgan ni Mario Bermudez ang Assistant
Schools Division Superintendent sa Deped Gensan nga libre ug walay
bayad ang edukasyon sa tanang pang publikong tulunghaan sa syudad.
Kini ang nahimong tubag ni Bermudez kalabutan sa pipila ka mga reklamo
samga ginikanan nga sila ginapabayad gihapon ug daghang balayranan sa
eskwelahan.
Dugang pa niini nga kung aduna may mga amutan, kini buluntaryo lang
sa mga ginikanan ug dili compulsory. Dili sab angayan nga hadlokan sa
mga maestro ang mga estudyante sa ilang grado kung dili makabayad nag
ilang ginikanan samga alamutan.
Ang tanan matud pa nga galastuhon sa eskwelahan ang gikinahanglan nga
kuhaon sa gi-allocate nga MOOE (Maintenance And Other Operating
Expenses) sa mga eskwelahan. Kung daghan ug estudyante mas dako matud
pa ang gigahin nga MOOE niini.
Samtang gi angkon man usab ni Bermudez nga aduna gayuy mga higayun nga
dili sakto ang MOOE sa usa ka eskwelahan hinungdan nga mangayo ang
principal ug tabang sa PTA (Parents Teacher Association) apan
gipaklaro niini nga dili kini pugsanay. (Dave Silagan)
(Photo From Web)
