Apektado sa water interruption ang ubang bahin sa Cagayan de Oro og misamis Oriental samtang gitul-id pa ang nadaot nga pipeline sa Rio Verde nga maoy dakong suplayer sa tubig sa COWD.
Dako ang paglaom sa mga opisyal nga masulbad na ang maong problema sa labing daling panahon.
Nakigkoordinar na ang COWD ngadto sa Bureau of Fire Protection alang sa paghatod sa tubig sa mga apektadong lugar aron madali ang paghatod sa tubig kay daghan na ang nabalaka nga basin molungtad pa kini hangtud sunod tuig.
Una nang giingon sa COWD nga posibleng moabot sa napulo ka adlaw ang pagtul-id sa Rio Verde, ang bulk supplier sa buhatan diin adunay parte sa pipeline ang nadaot tungod sa kusog nga pagulan.
Matud pa ni Engr. Bienvenido Batar Jr., COWD assistant general manager, “Ang pipe na nag-leak naa sa Cagayan River, gawas sa loss sa tubig, dunay danger of contamination, so kinahanglan i-contain and i-repair sa siya. When they started to repair it early this week, ila man tong gi-divert ang pipeline na 200 millimeter diha sa Taguanao, so dunay supply na gamay pero dili enough. About 30 percent ang kakulangon sa water supply sa west side, dili gasaka sa elevated areas sa western part.”
