Tubo kag Humay, konsepto sang kontrobersyal nga Halandumon Tower

279

BACOLOD CITY – Ginpaathag sang architect sang kontrobersiyal nga Halandumon Tower sang Bacolod City ang concepto sini, ang tubo kag humay.

Sa interview sang DYHB, ginpahayag ni Arch. Jico Monte nga sang gin-approach siya sang alkalde nga mag-comceptualize sang isa ka landmark para sa 80th year commemoration sang Bacolod City, ang una nga nag-sulod sa iya pamensaron amo ang tubo (sugarcane).


Suno kay Monte nga ang tubo may daku nga contribution sa ekonomiya indi lamang sa probinsya kundi pati man sa ciudad sang Bacolod. Wala labot sa tubo, ginlaktan pa gid ni Monte sang palay (rice grain) ang concept kon diin ini ang iya gin-incorporate sa diamond shape.

Resulta, ang walo ka inner ukon ang yara sa sulod nga tower/column naga-represent sang palay samtang ang sa gwa naman nga 8 ka octagon shape amo ang tubo nga naga-represent sang walo ka dekada nga charter sang Bacolod.

Sa bahin sang height ukon kataason sang tower, ginsiling sang architect nga orginally luyag sang alkalde nga ini ang magataas sang 80 feet apang bangud sa konsiderasyon nga malapad nga foundation ang ginakinahanglan sa amo nga height, ini ang ginhimo na lamang nga 50 feet (more or less) ukon kapin 14.9 meters.

Samtang, additional feature na lamang suno sa architect ang suga bangud madamo ini sang sarang magamitan kay ini ang LED kag automated ukon programmable.

Ang heart-shaped nga fountain naga-represent naman sang logic nga ang tower nahamtang sa sentro ukon sa heart sang ciudad, suno sa architect.

Sang ginpamangkot naman si Arch. Monte kon bala nagakadapat ang 4.8 millio pesos nga gin budget para sa tower, iya ginsiling, justifiable ang amount.

[image: image.png]

Facebook Comments

From Advertisers