TUCP: Two-year probi disbentaha

19

Davao City – Dili madawat sa Associated Labor Unions – Trade Union Congress of the Philippines (TUCP) ang sugyot nga patas-an gikan sa unom ka bulan ang probationary period padulong sa duha ka tuig.

Sa interbyu sa DXDC 621 RMN Davao kang Alan Tanjusay, ALU-TUCP spokesperson, gisaysay niini nga taas na kaayo ang duha ka tuig aron masuta lamang ang kapasidad ug kinaiya sa usa ka aplikante.


“Sobrang-sobrang mataas na ang dalawang taon upang ma-determine ng employer ‘yung skill, ‘yung attitude at character ng kanyang aplikante,” saysay ni Tanjusay.

Dugang ni Tanjusay nga taas na gani ang kasamtangang unom ka bulan nga probationary period tungod sa daghanang mga on-the-job training, skills training ug uban pang pamaagi nga mahibal-an ang kapasidad sa usa ka aplikante.

“Dapat nga three months pa lang ay makikilatis mo na dahil napaka modern (na) ng panahon ngayon at napakaraming pamamaraan, mga measurements para ma-determine ng employer ang capacity at ‘yung skill ng kanyang mga aplikante,” tataw ni Tanjusay.

Segun ni Tanjusay nga makalolooy ang mga aplikante sa taas nga probationary period tungod kay gawas nga gamay og sweldo wala usay security of tenure ang nahisgutan nga makonsiderang ‘advantage’ lamang alang sa mga negosyante.

RadyoMaN Kirby Manzon

Facebook Comments

From Advertisers