Davao City- Gikompirma sa Tugbok PNP-General Investigation Section ang nahitabong kinawatay sa Deca Homes sa Mintal ning siyudad.
Matod ni PEMS Osico nga sagad sa mga nalambigit sa kawat sa Deca Mintal pulos mga menor de edad, ug gani niadtong adlaw’ng Sabado adunay natalang kaso sa kawat sa samang dapit.
Gisulti ni PEMS Osico, di pareho ang modus sa mga minor kay dunay usahay lungkab sa balay ang ilang himoong atake, ug uban pang matang sa sistema sa pagpangawat.
Sigun ni PEMS Osico nga tungod sa balaud nga nag-protekta sa katungod sa mga kabataan, dili nila pwede mapriso ni pasakaan og kaso ang mga kabataan, busa ila na lamang gibalik ang kustodiya sa mga kabataan ngadto sa ilang mga ginikanan.
Dugang sa maong pulis nga kabahin sa ilang gihimong lakang karon aron masumpo ang kinawatay, mas gipakusgan karon sa Tugbok PNP ang curfew hour batok sa mga menor de edad.
Facebook Comments
