Davao City – Laing street level target ang na-neutralisa sa kapolisan sa San Pedro atol sa gilusad nga anti-illegal drug operation nahitabo alas-8:35 Enero 16 sa gabii sa may Rizal Extention, Brgy. 35-D, siyudad sa Davao.
Giila ang suspek nga si Louei Jimenez alyas Pistang, 43 anyos, nagpuyo sa nahisgutang lugar.
Atol sa gikasang buy-bust operation, malampuson nga napalitan og usa ka pakete sa gituohang shabu ang suspek apan nakamatikod kini nga pulis ang gikatransak maong kalit mihulbot ang suspek sa iyang .38 kalibre sa armas dayon pusil ngadto sa awtoridad kaduha ka higayon apan maayo nalang walay naigo nga pulis busa mibalos og pusil ang mga police.
Daling gidala ang suspek sa Southern Philippines Medical Center (SPMC) apan gideklara nga dead on arrival sa doktor.
Nakuha sa kapolisan gikan sa patay’ng lawas sa suspect ang unom ka pakete sa gituohang shabu nga mubalor sa P6,500 lakip ang uban pang illegal drug paraphernalia.
Narekober gikan sa crime scene ang usa ka unit sa .38 kalibre sa armas ingon man ang duha ka bala ug duha basiyo.
Gikunsidera sa kapolisan ang suspek nga nalambigit sa kawat, pagpanglungkab, pagpanulis, ug nagapayuhot og ilegal nga droga sa maong barangay.
Ang mga nakumpiska nga drug items isip ebidensiya sa kapolisan anaa na gikustodiya sa Regional Crime Laboratory Office 11 (RCLO-XI) samtang ang patay’ng lawas sa suspek gikuha na sa kabanay niini.
RadyoMaN Don Pulayao
