Roxas City, Capiz – Arestado sang mga katapo sang kapulisan sa ginpatigayon nga buy bust operation sa Sitio Libtong Brgy. Estancia, Kalibo, Aklan ang isa ka lalaki nga taga-Barangay Tiza, Roxas City.
Ginkilala ang subject person kay Jomar Apolinario alias “Dingdong”, 31 anyos nga isa ka construction worker.
Narekober sa paghinakop sini ang isa ka plastic sachet nga may unod sang ginapatihan shabu kabalo sang P2,000 nga marked money.
Sa ginpatigayon nga body search, nakuha pa gid sang mga otoridad ang isa ka sachet suspected shabu nga na putos sa sanitary pad kag nakatago sa brief sini.
Kaso nga paglapas sa Section 5 kag 11 sang RA 9165 okun Comprehensive Dangerous Drugs Act of 2002 ang paga-atubangon sang nasambitan nga construction worker.
📷 – DyKR RMN Kalibo
