Nasuta karon sa Valencia City Police Station nga ang usa ka suspek nga nadakpan sa gihimong checkpoint sa Musuan, Dologon, Maramag Bukidnon niadtong Martes sa gabie usa diay kini ka serial rapist.
Sa interview sa RMN Malaybalay ngadto kang Police Lt. Col. Surkie Serenias, ang hepe sa Valencia City PNP gibutyag niini nga nadakpan sa simpleng checkpoint ang usa ka Ryan Sumon-ay, 28 anyos nga taga Maramag, Bukidnon human nga nangbiktima kini usa usa ka “Rica” dili tinood nga ngalan, 23 anyos nga dalaga nga taga San Fernando, Bukidnon nga gitulis na ug gilugos pa sa P4, Poblacion, Valencia City kaniadtong Martes sa gabie.
Matud ni Serenias nga ilang nasuta nga usa diay ka serial rapist ang mao nga suspek human nga adunay usa ka biktimang usa ka “Katrina”, dili tinood nga pangalan gikan sa lungsod sa Quezon, Bukidnon ang nidangop sa kapulisan kagahapong adlawa tungod kay biktima usab diay kini sa mao nga suspek niadtong Setyembre kung asa gitulis na, gilugos pa ug gigulgol pa ang liog niini ug maayo na lang kay wala napatay.
Sa karon gihulatan pa sa Valencia <www.facebook.com/profile.php?id=100009906017307&__tn__=%2CdK-R-R&eid=ARAcE6z59wCLjYKpfriEPxOcXc06zMFg8pKa6DiAYM3K5GPpY27lh8ZINZs2ien4G8P7lZ-orXn8MK9W&fref=mentions> City police ang usa ka “Rebecca”, dili tinood nga ngalan nga laing biktima usab gikan sa lungsod sa Maramag nga nag-ingong na rape usab sa mao nga suspek niadtong pipila ka semana ang nakalabay.
Human nga migawas ang tulo ka mga biktima sa rape nagtoo ang kapulisan nga adunay pay mutumaw nga biktima aron mupasaka ug kaso batok sa mao nga suspek.
Gawas nga usa ka serial rapist, nasutang ang suspek usa usab ka kawatan, tulisan ug murderer ug adunay pending nga kasong frustrated murder.
