Nasikop sa mga otoridad ang usa ka tulisan nga nangbiktima sa usa ka babayeng estudyante mga alas 5:45 kagahapon sa hapon sa Westfield Subdivision, Barangay Iponan ning syudad sa Cagayan de Oro.
Ang suspect nailang si Glee Vhan Engarcial, 28 anyos, ulitawo ug taga Danao, Patag, Opol, Misamis Oriental.
Nasayran nga gitionan sa suspect sa screw driver ang usa ka babayeng estudyante nga si May Molina samtang nagpa-abot sa masakyang jeep busa nadala niini ang mahalong cell phone nga nagkantidad sa halos 19-mil pesos.
Pero daling nakaresponde sa area ang mga pulis nga nadestino sa usa ka outpost busa gilayong nasikop ang suspect.
Facebook Comments
