Leader sa akyat bahay gang, patay sa shooting incident kaganihang kadlawon

PC: RadyoMaN Jonathan Bullo

Tadtad sa igo bala ang lawas sa usa ka leader sa akyat bahay gang atol sa shooting incident nga nahibato mga 2:30 kaganinang kadlawon sa boundary sa barangay Bayabas ug Kauswagan ning syudad sa Cagayan de Oro.

 

Ang biktima nailang si Leonardo Quimbo, 22 anyos nga residente sa Agora, Lapasan.

 

Samaran usab sa maong hitabo ang iyang uyab nga naila lamang nga si Nelly.


 

Matud ni Police Staff Sargent Hernan Abalde nga ang mga biktima, natulog sa usa ka tri-cab sa dihang gipusil kini sa usa ka suspect nga nagsakay sa motorsiklo.

 

Ang biktima naigo sa upat ka bala nga naghatud sa iyang kamatayon.

 

Matud ni Oscar Masyon nga sakop sa Civilian Volunteer Organization nga ang maong biktima leader sa Akyat bahay Gang ug leader sa kasong holdup apan wala pay idea ang mga imbestigador sa motibo sa pagpatay sa maong biktima samtang ila pang gipadayon ang imbistigasyon sa maong kaso.

 

Na-recover sa crime scene ang duha ka bala ug tulo ka basiyo sa 45 Caliber pistol.

Facebook Comments