Davao City – Gideklarang dead on arrival sa Isaac Robillo General Hospital sa Calinan Davao City si Dexter Bardinas Canono Alyas Pogi kansang suspek sa pagpanulis.
Sa imbestigasyon sa Calinan PNP, nagbaktas ang biktima nga si Maria Grace Butaya Mutya 23 anyos sa Fiera St sa Calinan ug kalit lamang mipatim-aw ang suspek dayong deklarag hold up alas 7:10 sa kagabhion.
Nakuha sa suspek ang cellphone sa biktima ug usa ka libong salaping cash dayong sibat samtang ang biktima daling midangop sa Calinan PNP.
Sa gihimong hot pursuit operation sa mga pulis naabtan ang suspek didto sa Sentro Barangay Subasta Calinan ug sa dihang nakamatikod nga pulis ang anaa sa iyang palibot mibunot kini sa wala matino nga kalibre sa pistula dayong pusil sa mga miresponding kapulisan.
Daling mibalos ang mga pulis sa pagpabuto rason nga mihay-ad ang biktima nga miresulta sa iyang kamatayon.
Patay nga lawas ni alyas Pogi anaa sa Angel Funeral Parlor sa Calinan.
RadyoMaN Erin Lumosbog
