General Santos City–Swerting nakalingkawas sa baba sa kamatayon ang usa ka sikad driver nga si Rey Peñanueva, residenti sa purok Odagre, barangay Conel, Gensan, human gidunggab sa tulisan alas 12:15 kaganinang tungang gabie.
Sumala sa asawa sa biktima nga si Novena, Peñanueva nga gikan sa balay sa iyang amo ang iyang bana nikuha ug kwarta aron nga ipa-5/6.
Muuli unta kini sa ilang balay apan pag-abot sa awaaw nga lugar sa Purok Odagre, siya gipara sa duha ka mga suspek nga nakamotorsiklo dungan sa pagdeklara ug tulis.
Dugang pagbutyag ni Novena nga nisukol pa ang iyang bana sa mga suspek maong siya gidunggab, dayon gikuha ang iyang bag nga dunay sulod nga P180,000.00.
Ayha nibiya ang mga suspek, siya gitiunan pagpusil mao nga wala na sya mipalag pa.Nangayo nalang kini ug tabang ngadto sa lugar aron siya madala sa ospital. Sa karon nagpadayon ang gihimong imbistigasyon kalabutan sa insidenti.
