Davao City – Tulo ang natala nga angol atol sa nahitabong sunog Enero 8, adlaw’ng Martes, sa may Purok San Jose, Waling-Waling St., Daliao Toril ning syudad.
Mga biktima naila nga sila Jessie Garcia ug Melanie Ihos kinsa naka angkon og mga paso gumikan gisulayan pa niini sa pagsalbar ang ilang mga importanteng gamit ingon man ang orihinal nga mga kopya sa papeles ug mga dukomento, ug ang ikatulo mao si Dante Tubig kun diin didto sa ilang panimalay nagsugod ang pag-ulbo sa kalayo tungod kay nadalikyatan niini ang iyang giluto apan gidakop sa kalayo ang gitungtongan niining kahoy ug mikuyanap kini sa tibook balay.
Tungod usab sa kakusog sa huyohoy sa hangin ug init ang panahon naapil kasunog ang dul-an 50 ka mga balay sa maong lugar.
Hinoon daling gitabang sa Medic Team Central 911 ang mga na angol ug sa pagka karon luwas na sa makuyaw nga kahimtang.
RadyoMaN Paul Canono
