*General Santos City— Arestado ang tulo katao atol sa gipahigayopng buybust operation sa PDEA 12 uban ang Pikit PNP ala una pasado una ang takna sa hapon sa sitio san roque, Brgy. Nalapaan, Pikit, North Cotabato.*
*Giila ni Kath Abad, tigpamaba sa PDEA 12 ang target nga si Tapia Malingco, 38 anyos nga residente sa Pagalungan, Maguindanao. Lakip usab nga naaresto ang mga kaubanan niining sila Amir Rasul Mama, 25 anyos nga nagasilbing bodyguard sa target higayon nga adunay operasyon.*
*Arestado usab ang usa ka Chenny Tallorin, 23 anyos nga empeyado sa DPWH Pikit ug gikonsiderang high value target.*
*Dugang pamahayag ni Abad nga nakuha gikan sa posisyonsa target ang 70 gramos sa gituuhang shabu kantidad 476, 000 ka pesos ug marked money.*
*Samtang narekober sa jacket ni Ellorin ang ubay-ubay nga mga drug paraphernalia ingon man us ka cellphone nga maoy gigamit sa illegal nga transaksyon.*
*Kalabot niini, wala matud pa sa drug list o target list sa pdea ang target nga si malingco apan nasayran nila ang operasyon niini gumikan sa sumbong sa mga concerned citizen.*
*Wala man usab kini sa listahan mga nagsurender kaniadto panahon sa oplan tokhang sa kapulisan ug sagad sa ilahang operasyon ang anaa sa probinsya sa North Cotabato ug mga kasikbit nga mga lugar.*
*Sa karon, ang tulo ka mga dinakpan ang balhog na sa selda sa PDEA 12 ug napasakaan na ug tukmang kaso batok kanila.*
