Davao City-Tulo ka mga drug pusher ang napasakaan og kasong kalapasan sa Republic Act 9165 kon Comprehensive Dangerous Drugs Act of 2002 human na-intercept ug nakuhaan og shabu dina sa may Task Force Checkpoint sa may Licanan, Barangay Lasang Bunawan District ning dakbayan.
Ang mga dinakpan naila sa pangalan nga sila Ezer Can’ete Matildo hingkod ang edad, Edward Pagtalunan Monday ug usa ka Jhemboy Asari Morales hingkod ang edad residente sa Purok 12 Tibungco ning syudad sa Davao.
Matod ni Police Chief Inspector Estello Ramiso, station commander sa Bunawan PNP mas hugot nilang gipatuman ang kampanya sa droga ingon man sa pagmonitor sa ilang area of responsibility.
Gidugan ni Ramiso gipaestriktuhan ang pag inspeksiyon sa naasoy checkpoint ilabena sa mga sakyanan ug mga pasahiro gumikan Kay sunod sunod ang naharang sa kapulisan ug sagad nga mga naaresto mga nagapayuhot ug droga.
Kasamang Don Pulayao
