General Santos City———— Dakpan sa gipahigayong lambat sibat operation sa kapulisan sakop sa Polomolok Municipal Police Station ang tulo ka mga kalalakin-an human makuhaan ug improvised nga pusil kon sumpak ingon man mga hait nga hinagiban.
Giila ni Police Chief Inspector Aldrin Gonzales, hepe sa Polomolok PNP ang mga dinakpan nga silang Welmark Lubo, 20 anyos, Richard Albesi, 19 anyos ug usa ka Angelito KUmpas, 18 anyos nga susamang residnete sa sampaguita St. Poblacion, Polomolok.
Pamahayag ni PCI Gonzales nga pasado ala una sa kadlawon dihang makit-an ang mga nahisgutan nga anaa pa sa kadalanan rason nga giharang s akapulisan ug dihang gikap-kapan, narekober ang mga illegal nga kontrabando sa ilahang posisyon.
Dugang pa ni PCI Gonzales nga posibleng miyembro sa mga SUKARAP ang mga nahisgutan ug posibleng nagsugod sila sa mas bata nga pangidaron hangtud nalang sa karonug aduna matud pay posibilidad nga manguta ug gubot ang mga nahisgutan gumikan sa mga narekober gikan sa ilahang posisyon.
Sa kasamtangan, balhog na sa lock up cell sa Polomolok PNP ang mga nahisgutan smatang ginahikay ang tukmang kaso batok kanila,
