Dakpan ang 21 anyos nga lalake sa gihimong buy bust operation sa Barangay Looc, Villanueva Misamis Oriental alas 6:10 sa gabie niadtong Abril 6.
Suspek mao si Jhon Carlo Nokom kinsa residente sa samang dapit nga nakuhaan sa shabu ug buy bust money.
Suspek ug ang mga nakumpiskang item gidala na sa Regional Crime Laboratory Office 10 alang sa qualitative ug quantitative examination.
Samtang, sa El Salvador City, usa ka DI listed person ang nadakpan sa drug operation alas onse sa buntag niadtong Abril 7 sa hiniusang pwersa sa Villanueva Police Station ug mga personahe sa Pdea-10.
Suspek mao si Ritchie Rayon, 31 anyos, ulitawo ug residente sa Zone 4, brgy Molugan, El Salvador City.
Nakuha sa posisyon sa suspek ang shabu ug buy bust money. Human sa operasyon, gidala ang suspek sa Regional Crime Laboratory Office 10.
Lain pang alleged pusher ang nadakpan sa drug operation sa Gingoog City alas 5:55 sa hapon niadtong Abril 7.
Suspek usa ka DI listed nga nailang si Ando Tabiling, 21 anyos nga taga Zone 9, Purok 3, brgy 19 Gingoog City.
Suspek ug mga ebidensyang nakuha ang giimbistigahan na sa Regional Crime Laboratory Office 10.
