Davao City- Gidakop sa Sasa PNP ang tulo ka babaye nga giingong nagpadagan sa fronton sa may Purok 12 ug 15 Panacan Relocation ning syudad sa Dabaw.
Human nadakpan sa gihimong pagronda sa mga operatiba sila Cheky Magsano, 25 anyos, Laica Sumapig, 22 anyos, ug Charemae Diuyan, 23 anyos, nga pulos nanimuyo sa nasangpit nga lugar gilayon sila gipasakaan og kaso sa City Prosecutors Office subay sa kalapasan sa Republic Act 9287 kun illegal gambling kagahapon adlawa.
Gidakop sa kapulisan ang tulo human akto nasakpan nga gadawat og taya gikan sa mga na-ungo sa last two ug nahimong dugukanan sa mga sugarol ang fronton nga ilang gipadagan sa mao nga dapit. Nakumpiska gikan sa ilang mga possession ang nagkada-iya nga illegal gambling paraphernalias lakip na ang kapin 500 nga taya. Ang tulo padayon pa nagtingkagol sa selda sa Sasa PNP samtang gipaabot ang resolusyon sa ilang kaso gikan sa korte.
Kasamang Joel Viray
