Tulo Ka Barangay Sakop Sa Dakbayan Sa Dapitan Apektado Sa El Niño, Lokal Nga Kagamhanan Ning Dakbayan Sa Dipolog Ni Ayud

3

DIPOLOG – Gumikan sa nasinatiang El Niño, nakasinati na kakulangon sa tubig imnon ang pipila ka mga dapit ning lalawigan sa Zamboanga del Norte.Ang tulo ka barangay sakop sa dakbayan sa Dapitan, brgy. Liyang, San Vicente ug Bucana Sicayab nag mulo na ang mga mulopyo gumikan sa kalisod sa tubig.Gumikan niini, wala nagpabaya ang kagamhanang local ning dakbayan sa Dipolog nga nihatag kini ug ayuda sa pagsupply ug tubig pinaagi sa pagmando ni Mayor Evelyn T. Uy nga ge tunol kini mismo sa Rescue 117 ning dakbayan sa Dipolog.Sa pamahayag ni Pio Manlayas, Brgy. Kagawad, nga namala na ang mga atabay sa ilang barangay diin sila nagsalig alang sa ilang inadlaw-adlaw nga konsumo sa tubig tungod sa hulaw karong panahona.Gidugang pa niya, nagsugod ang maong problema niadtong bulan sa Enero pa kini hinungdan nga nakadisisyon si Brgy. Kapitan Nicomedes Catahay nga mangayo ug ayuda sa Dapitan City Fire Station apan matod pa, moagi pa kini sa buhatan sa Local Chief Executive diin hangtud karon walay mitumaw ug ayuda gikan sa Siyudad sa Dapitan.Samtang si Kagawad Manlayas miduol ngadto ni Mrs. Imelda Endab, Executive Assistant IV sa buhatan sa gobernador alang sa maong katuyoan.Diha-diha mi-aksyon dayon ang probinsiya uban sa koordinasyon sa LGU Dipolog.Dako ang pasalamat ni Manlayas uban sa mga taga Brgy. Liyang tungod sa ayuda nga gihatag kanila…

Facebook Comments