General Santos City—Gikumperma ni Police Major Joel Martinez, Hepe sa Police Station 3 nga miyembro sa usa ka grupo nga nagapangawat sa AOR sa Police Sattion 3 ang tulo ka mga suspetsadong una na nilang nadakpan sa gihimong buy-bust operation niadtong nakalabayng adlaw.
Mga suspek giilang silang si Jorome Nacario, 22 anyos, Jeffrey Nacario-kansa maoy lider sa grupo ug usa ka Junrey Acaso nga taga barangay Baluan, Gensan.
Matud ni Police Major Joel Martinez, Hepe sa Police Station 3 nga dugay na nilang ginamonitor ang lihok ni Jeffrey Nacario kansa lambigit sa iligal nga droga, apan idlas ang nasampit ug lisod kaayong dakpon apan niadtong nakalabayng adlaw, nakorner sa kapulisan sa gihimong buy-bust operation.
Samtang gikumperma usab ni Martines nga gawas sa tulo ka dinakpan aduna pa silay tulo nga kaubanan kansa nagapangawat ilawom sa ilang AOR.
Ang mga nasampit ang ila na usab ginamonitor aron nga madakpan ug maundang na ang ilang iligal nga binuhatan.
