Davao City – Gironda ang tulo ka drug dens samtang 72 arestado sa Oplan Dabaw Kalinaw nga gilusad sa Police Regional Office (PRO-XI) sa syudad sa Tagum.
Sa report sa PRO-XI, gihimo ang maong operasyon sa Purok Durian Ave., Brgy. Madaum ug Brgy. San Isidro, Tagum City kagahapong adlawa.
Gawas sa mga arestado, nakuha usab ang 35 grams sa shabu nga adunay street value nga mokabat sa P525,000.
Sa karon, gi-andam na sa kapulisan ang dokumento sa mga suspect alang sa drug testing ug alang sa tukmang kasong ipasaka batok sa mga dinakpan gani lauman nga sunod-sunod nga ilusad ang Oplan Kalinaw sa nagkadaiyang lugar sa rehiyon.
RadyoMaN Renz Barbarona
Facebook Comments
