Davao City- Gihikay na karon sa Buhangin PNP ang mga dokumento aron ma-indosar sa City Social Services And Development Office ang tulo ka menor nga nakuhaan og shabu ug pakete sa marijuana.
Samtang pasakaan og kaso subay sa kalapasan sa Republic Act 9165 kun Comprehensive Dangerous Drugs Act of 2002 ang laing usa nga si Aljon Mapula, 19 anyos, estudyante sa ALS ug residente sa Palm Drive St. Buhangin ning syudad.
Ang suspek uban sa duha ka menor de edad nga sila alyas John ug Wilfred nga nasikop pinaagi sa buy-bust operation nga gilusad sa Buhangin PNP-Drug Enforcement Unit, ug PDEA sa may Palm Drive, Buhangin 9:45 kagabii.
Nakumpiska gikan sa possession sa tulo ang duha ka pakete sa inuga nga dahon sa marijuana, usa ka sachet nga shabu ug 500 pesos nga mark money.
Sumala ni Police Chief Inspector Jack Tilcag, hepe sa Buhangin PNP nga gipa ubos sa surveillance ang tulo sulod na sa pipila ka semana human nga ilang nadawat ang impormasyon labot sa ilang pagpayuhot sa iligal nga droga.
RadyoMan Joel Viray
