Davao City – Tulo ka tawo nadakpan sa kapolisan sa managlahing buy bust operation, unang nasikop sa San Pedro Police Station , ang usa ka street value target nailang Mark Stephen Babao, 37 anyos, laborer, residente sa Putok 10-B New Town, Libby Road, Bago Gallera syudad sa Davao human napalitan og usa ka sachet nga shabu kambiyo ang buy bust money.
Narekober gikan sa posisyon sa suspect ang laing usa ka pakete nga shabu nga mokantidad sa P1,000 ug usa ka cellphone nga maoy gigamit sa illegal nga transaksyon.
Samtang Arestado usab sa Sta. Ana Police Station, ang usa ka estudyante nga si Bob Dominic Doluna, 28 anyos, nagpuyo sa Magallanes street, Brgy. 2-C ug Bernardino Rosalinda, 27 anyos, residente sa Brgy. Wilfredo Aquino human napalitan sa kapolisan ug usa ka sachet nga shabu ug nakuhaan og usa ka cellphone ingon man mga illegal drugs paraphernalia.
Si Babao nadakpan na niadtong December 2015 human nalambigit sa droga ug nakapiyansa alang sa iyang temporaryong kagawasan.
Ang tulo ka dinakpan mag-atubang sa kasong kalapasan sa RA 9165 (Comprehensive Dangerous Drugs Act of 2002).
RadyoMaN Don Pulayao
