Siay, Sibugay-Gipangdaro ang tulo ka mga indibidwal nga nagtindog lang daplin sa dalan didto sa may Purok A1, Brgy. Monching lungsod sa Siay probinsya sa Zamboanga Sibugay sa usa ka Isuzu Dmax nga gimaneho ni Henry Periavenida.
Ang mga biktima mao sila si Renato Denaga ug Sanny boy Cadavid pulos taga Brgy. Monching, Siay ug lain Florentino Buat nga taga lungsod sa Malangas.
Nakaangkon kini sila ug seryosong mga bun-og sa lawas apan si Sanny Boy Cadavid ang gideklarang dead on arrival sa balay tambalanan.
Sa resulta sa imbistigasyon, kining drayber sa pick-up, nagbyahe gikan Pagadian city padulong sa Ipil, apan nakatagpilaw hinungdan nga gi ungad ang usa ka motorsiklo nga nakaparada sa kilid sa dalan apil ang mga nagtindog.
Facebook Comments
