Davao City – Sikop sa kapolisan sa San Pedro ang duha ka dispatcher ug laing usa ka kauban niini human naaktuhan sa mga pulis nga nag sugal bandang alas 10:30 sa kabuntagon kagahapon didto sa Quirino St. duol sa may Calinan Terminal siyudad sa Davao.
Base sa record sa San Pedro Pnp, naila ang mga dinakpan nga sila Ronnie Dayami, 31 anyos ulitawo residenti sa may Laak Davao Del Norte, Ernisto Balungag, 47 anyos nagpuyo sa Babak Davao Del Norte ug usa ka Patrecio Ruiz, 65 anyos nagpuyo sa may Ulas ning dakbayan.
Matud pa sa naaktuhan sa kapulisan nga nag tong-its ang tulo ka suspek hinungdan sa pagkasikop niini.
Narekober gikan sa ilang posisyon ang mga illegal gambling paraphernalia, lakip ang bet money nga mukantidad og 153.00 pesos nga maoy ilang gigamit pagpatad.
Ang mga dinakpan nalhug na sa selda sa San Pedro Pnp ug gihikay na sa kapolisan ang kasong kalapasan sa Presidential Decree 1602 kun Anti-Illegal Gambling Law.
RadyoMaN Don Pulayao
