Davao City – Tulo ka mga babae ang nasikop sa kapolisan Sta Ana PNP human naaktuhan sa kapolisan nga nagsugal pinaagi sa pagdula og tong-its atol sa gipahigayon nga anti illegal gambling operation natigayon alas 4:30 sa kahaponon didto sa South San Juan Brgy Centro syudad sa Davao.
Sa report gikan sa kapolisan Sta Ana PNP, naila ang mga dinakpan nga mao sila si Sheila May Tero, 19 anyos, Floreza Constantino, 38 anyos, Mary Jane Gomez, 33 anyos parehong nagpuyo sa nahisgutang lugar.
Nakuha sa mga dinakpan ang usa ka set nga baraha, 77.00 pesos bet money ug uban pang illegal gambling paraphernalia.
Ang tulo ka mga dinakpan balhug na sa Sta Ana PNP mag-atubang og kasong kalapasan sa PD 1602 illegal gambling.
RadyoMaN Don Pulayao
Facebook Comments
