Davao City – Giturn-over na sa kapulisan ug gikasuhan na ang tulo ka mga suspek nga na-flag down sa Task Force Davao human makuhaa’g mga kontrabando.
Giila ang mga suspek nga sakay sa van nga sila Mark John Barrirta Villanueva, 37 anyos, Jerome Delarmente Baysa, 40 anyos, ug Ian Mark Delarmente Baysa, 35 anyos, nga mga residente sa Brgy. Fatima, General Santos City.
Sumala ni Task Force Davao Commander Colonel Darren Comia, musuloday ang mga suspek sa Davao nga gikan og Tagum diin nasakmit sa mga personahe sa may checkpoint sa Bunawan sa ilang posisyon ang anaa sa kapin P23,000 nga shabu ug duha ka mga .45 ug 9mm nga mga baril.
Segun ni Comia walay dokumentos ug dili usab awtorisado ang mga suspek sa pagbyahe sa maong armas.
Kasong paglapas sa RA 9165 ug RA 10591 ang giduso batok sa mga dinakpan.
RadyoMaN Aimee Guinita
