Gitingkagul karon sa prisuhan ang tulo ka mga mag-uuma ug usa ka mekaniko human nga nasapon sa akto nga nalambigit sa illegal nga tari-tari ug nadakpan sa kapulisan pasado alas 3:13 sa hapon adtong Martes didto sa Purok-8, Sinabuagan, Valencia City, Bukidnon.
Giila ang mga mag-uumang nadakpan nga sila Elezer Taghap, 48 anyos, minyo, , Arnolfo Meñoza, 46 anyos, minyo, ug mga residente sa Barangay Lumbayao, Valencia City, ug si Jomar Butal, 38 anyos, minyo, ug residente sa Purok-10, Sinabuagan, Valencia City, Bukidnon.
Samtang ang mekanikong nadakpan giilang si Archie Rama, 33 anyos, minyo, ug residente sa Purok-17, Malabuaya, Valencia City, Bukidnon.
Narekober gikan sa lugar gitarian ang tulo ka mga buhing manok panabong ug P400 bill nga kwartang gisugal.
Gidala karon sa Valencia City Police Station ang mga nadakpang suspek lakip ang mga nakompiskang ebidensya alang sa tokmang disposasyon.
Facebook Comments
