Human makumpirma niadtong Septembre nga nagpositibo sa polio ang tres anyos nga batang babaye gikan sa lungsod sa Marogong sa Lanao del Sur, tulo na usab ka mga bata sa Marawi City ang nagpakita og simtomas sa susamang sakit.
Sa usa ka press briefing kagahapon sa Marawi human gilusad ang Sabayang Patak Kontra Polio, gikumpirma ni Dr. Shalimar Rakiin, chief of hospital sa Amai Pakpak Medical Center, nga na-confine ang tulo ka mga managsoon niadtong nakalabayng semana.
Ang nasangpit nga mga bata nagpangidaron og napulo, lima ug duha ka tuig kinsa nakasinati og hilanat, pagluya ug pagpanakit sa ilang mga lower extremities o mga tiil.
Samtang giklaro ni Rakiin nga ang napulo ug lima ka tuig abtik na, ang dos anyos padayon pa nga luya.
Nagpadala na og blood sample ang Department of Health ngadto sa kauluhan aron makumpirma kung polio ang mitakboy nga sakit sa mga bata ug nagmando nausab si Health Secretary Francisco Duque nga i-monitor ug i-surviellance sila.
