Malaybalay City, Bukidnon – Tulo ka mga teroristang New People’s Army kon NPA ang nitahan sa ilang kaugalingon ngadto sa mga battalion sa kasundaluhan nga ilawom sa operational control sa 403rd Infantry Brigade sa 4th Infantry Division sa probinsya sa Bukidnon.
Kini human nga gihingusgan pa ang gihimong military operations niini.
Matud ni Cpt. Norman Tagros, ang civil military office sa 403rd infantry brigade nga ang tulo ka mga NPA nga nisurender mao sila si Alias Nante sa Guerilla Front 68 nga nitahan sa 1st Special Forces Battalion kaniadtong Enero 14 ning tuiga, dala niini ang usa ka bolt action caliber .223 rifle ug mga buhing bala, usa ka cal .45 pistol ug mga bala, ug duha ka Improvised Explosive Devices (IEDs), samtang ang usa mao si alias Pipoy sa Guerilla Front 53 ang nisurender ngadto sa 8th Infantry Battalion sa susamang adlaw dala ang iyang M16 rifle uban ang mga buhing bala.
Samtang, usa ka alias Janjan ang ni-surrender usab ngadto sa 88th Infantry Battalion kaniadtong Enero 15 ning tuiga dala ang M16 rifle ug mga bala.
Sigun ni Targos nga ilang gipugngan ang pagbulgar sa tinood nga mga pangalan niini tungod ug alang sa ilang seguridad.
