TULO KA MGA NPA SURRENDEREES , NAKADAWAT OG FINANCIAL ASSISTANCE GIKAN SA PROBINSYA

18

Sergio Osmeña, ZDN-Gipresentar sa buhatan ni Governor Roberto Y. Uy , kagahapong adlawa Oktubre 30 , ang tulo ka mga kanhing rebelde sa lungsod sa Sergio Osmena ug lungsod sa Siayan ning lalawigan sa Zamboang del Norte.

Ang tulo ka mga NPA surenderees , gipaatubang ngadto kang Gov. Uy alang sa immediate assiatnce og ipailawom sa Enhanced Comprehensive Local Integration Program (ECLIPS) nga mao ang programa sa gobyerno aron matabangan ang mga rebelde nga misurender.

Ang mga rebel returnees , giila sila si Jessie Jamorol , 24 anyos ,Reysan Oborod, 22 anyos og pulos lumulupyo sa lungsod sa Sergio Osmena ug usa ka alyas dodoy , 17 anyos tagalungsod sa Siayan.

Gidali dayun gitagaan og financial assistance nga tag P 20,000 matag usa sa mga kanhing rebelde . ang diyes mila gikan kang Gov. Uy ug lain diyes mil gikan usab kini sa Provincial Social Welfare and Development Office.

Ang Financial Assistance gikan sa kagamhanang probinsyal pinaagi sa PSWDO sa ilang programang Assistance to Individuals in Crisis Situation.(AICS).

Sa pakighinabi ngadto kang LTC. Rufino De Leon , Commanding Officer sa 97th IB , matud pa nga ang tulo mitahan kini sa ilang kaugalingon dala ang mga armas nga improvised M14 ug M1 Garrand , ngadto sa mga sundalo sa Alpha Company sa 97th IB nga naa ang ilang compat didto sa Sergio Osmena , ug giturn-over usab kini sa headquarters sa 97th IB didto sa Del Pilar , Pinan.

Dugang pa ni Commanding Officer De Leon , ang tulo pa lamang unang misurender ilawom sa 97th IB ug daghan pang musunod sa rason nga galisud na ilang kahimtang didto sa bukid.

Siya usab padayun gipanawagan ang mga rebelde nga mubalik na sa sabakan sa gobyerno.

Sumala usab ni 1st Lt. Richie Hermoso Civil Military Officer sa 97th IB , ang ilang battalion, nagapadayun kini mupahigayon og mga pulong pulong sa mga kabarangayan sa 1st , 2nd ug lakip usab pipila ka mga barangay ug lungsod sa tersero distrito nga ilang area of responsibility.

Aron mainform ug masayud ang mga katawhan ilabina na ang mga kabataan kabahin na sa mga programa sa gobyerno alang sa komunidad.

Ila usab gituki kabahin na sa dili magpadani nga muapil ngadto sa mga walhong grupo sama sa NPA nga daghang pasalig aron makarecruit.

Sa pakighinabi ngadto sa usa sa mga misurender nga si Jessie Jamorol “ni surrender ko kay dili na gud sakto ang ilang sugo og wala nako kasabot sa among kahimtang sa bukid nga sige lakaw-lakaw sa wala paingnan ug magtago tago sa mga kabukiran

Gihisgut usab niini nga daghan pa siya mga kauban nga gusto musurender og magpuyo og malinawon .”

Dugang pa niini nga sila misulod sa grupong Big Beautiful Country (BBC) nga us aka grupo naglihok sa kabukiran sa Sergio Osmena, Siayan , Katipunan , Roxas ug Leon Postigo .

Sumala usab ni Reyson Abordo nga nadani sila pagsulod sa maong grupo gumikan sa gipasaligan sila pa-eskwelahon , hatagan ug allowance lakip usab tagaan og kwarta ang ilang pamilya, apan kini tanan puro pasalig ,busa sila nakadesisyon nga boluntaryo mutanan sa ilang kaugalingon ngadto sa kasundalohan.

Nasayran nga sama sa uban nga mga misurender kaniadto , ang gobyerno pinaagi sa DILG muhatag kini ug dugang livelihood , housing project, ug cash assistance .

Samtang ang AFP ug PNP muhatag usab cash assistance alang sa ilang pagsurender sa mga armas nga ilang nadala.

Ang nasangpit nga mga assistance nga ilang nadawat alang na kini sa ilang pagbag-o sa ilang kinabuhi og magpuyo hapsay og malinawon.

Mismo si Gov. Uy ang mitunol sa kantidad ngadto sa tulo ka mga surrenderees , nga gisaksihan kini ni DILG Provincial Director Mario Baterna , LTC. Rufino De Leon Commanding Officer sa 97th IB , 1st Lt. Richie Hermoso CMO sa 97TH IB , Police Inspector Bastasa sa ZNPPO ug Ms. Grace Sabal Assistant Provincial Social Welfare and Development Officer.(PIC-ZSM)
www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments