Malampusong nasikop sa mga kapulisan ang tulo ka mga sugarol human nalambigit sa illegal nga tari-tari atol sa operasyong gipahigayon pasado alas 2 sa hapon kagahapon didto sa Purok-4, Lumintao, Quezon, Bukidnon.
Giila ang mga suspek nga silang Judy Balagso, 55 anyos, minyo, ug residente sa Purok-2, Lumintao, Quezon, Bukidnon, Geraldo Somblingo, 56 anyos, minyo, ug residente sa Banlag, Valencia City, Jhunrick Baoyan, 18 anyos, ulitawo, ug residente sa Purok-5, Catumbalon, Valencia City, Bukidnon.
Nakompiska gikan sa mga suspek ang tulo ka mga patay na manok panari, duha ka tari, tulo ka gabot, ug kwartang gisugal nga mukabat sa P600.00.
Gibalhog na karon sa prisuhan sa Quezon Municipal Police Station ang mga suspetsado alang sa tokmang disposasyon samtang ginaandam ang kaso batok kanila.
Facebook Comments
