Tulo ka mga suspek sa pagpayuhot og iligal nga droga, dungan nga nasikop sa gipahigayon nga drug buy bust operation sa Lantapan, Bukidnon

Nadakpan ang tulo ka mga suspek sa pagpayuhot og iligal nga droga atul sa gihimong Drug Buy-bust operation sa mga kapulisan sa lungsod sa Lantapan kauban ang PDEU Bukidnon niadtong Sabado pasado alas 2:46 sa hapon didto sa Purok 2, Magnao, Cawayan, Lantapan, Bukidnon.

Giila ang mga nadakpang suspek nga sila si Glenn Anodon, 48 anyos, negosyante, watch listed ug laing duha ka kauban niini nga mga newly identified drug suspects nga sila si Daveny Glenn Anudon, 22 anyos, ulitawo nga residente sa Purok 2, Magnao, Cawayan, Lantapan, Bukidnon; ug Marlon Pagtalunan, 36 anyos, Driver, ug residente sa Kibangay, Lantapan, Bukidnon.

Nakumpiska gikan sa posisyon sa maong mga suspek ang mga pinutos nga drogang shabu nga gibana-banang mubalor sa kapin 34 mil ka pesos nga adunay gibug-aton nga singko (5) gramos, mga drug paraphernalia, usa ka 1000 peso bill, ug ang usa ka unit sa cellphone.

Ang maong tulo ka mga dinakpang suspek kauban ang mga nakumpiskang ebedensiya ang gidala na kini sa Lantapan Municipal Police Station alang sa tukmang disposasyon samtang, nakatakda usab kining i turn-over sa Bukidnon Provincial Forensic Unit alang dugang eksiminasyon.