Tulo ka minors nga nakuhaan sa rugby ug kutsilyo, girescue

25

Girescue sa mga pulis sa Traffic Unit ug Barangay Tanod sa Kauswagan ang tulo ka mga menor de edad ug usa ka 23 anyos nga lalaki ilalom sa Marcos Bridge sa Barangay Kauswagan ning syudad mga alas 8:30 kagabie.

 

Ang tulo mao ang 13 anyos nga babaye nga taga Calaanan, Barangay Canitoan, nuybe anyos nga lalaki nga taga Tomasaco Street, Barangay Nazareth ug ang 16 anyos nga babaye nga taga Upper Puerto ning syudad.

 

Gisikop usab sa mga otoridad ang ilang kauban nga si Gerald Palesmo, 23 anyos ug taga Barangay 9, Kabadbaran, Balingasag, Misamis Oriental.

 

Nakuha gikan sa mga minors ang usa ka botelya sa mineral water nga dunay sulod rugby ug 9 inches nga batangas knife.

 

Giturn-over na ngadto sa City Social Welfare Department ang mga minors ug si Palesmo ang gikustodiya sa Police Station 4 Carmen alang sa posibleng pagpasaka og kaso.

Facebook Comments