Tulo ka mga sakop sa Communist NPA Terrorist (CNT) ang mitahan sa ilang kaugalingon didto sa 97th Infantry Battalion nga nahimutang sa Leon B Postigo ning Zamboanga Del Norte sa nakalabay nga mga adlaw.
Giila ang mitahan nga si Fernand S. Micasia alyas GINO, giilang team leader uban niya ang duha ka myembro nga sila Teng Alom ug Ronie Tuburan.
Matod ni 97IB commander Lt. Col. Manaros Boransing II, nahimo kining pagtahan sa mga CNT tungod sa Local Peace Engagement sa Local Government Units sa Leon B. Postigo ug sa lungsod sa Siayan.
May kalabutan kini sa gimando sa E.O 70 nga gipagawas ni pangulong Rodrigo Duterte aron hingpit nang matagtaman ang tinuod nga kalinaw dinhi sa nasud.
Subling nanawagan karon ang kasundaluhan ug kapulisan ning probinsya nga kadtong anaa pa sa kabukiran naglihok mas maayo pang mobalik nalang sa sabakan sa gobyerno ug pahimuslan ang gitanyag nga panginabuhian sa gobyerno.
Photo From Web
