Dipolog City-kagahapon adunay gihimong Send- Off Ceremony sa Retool Community Support Program (RCSP) didto sa Conference Room sa Provincial Capitol gitambungan kini sa taga 97th IB sa pagpanguna ni Batcom Ltc. John Andrada ug sa PNP sa pagpangulo ni Zamboanga del norte Provincial Director PCol. Ronald Briones.
Ang programang RCSP gituyo kini pagmugna ilawom sa ahensya sa DILG sa pag abag sa kapulisan ug kasundakuhan aron batukan ang mga rebeldeng NPA nga naglihok diri sa tibuok nasud sa Pilipinas.
Adunay 18 ka mga sundalo ug 18 ka mga pulis ang mag tinabangay ug ipang deploy kini sila sa lima ka mga lungsod dinhi sa probinsya nga iladong daghan ug rebeldeng NPA.
Ang lima ka lungsod mao ang lungsod sa Sergio Osmeña, Leon B. Postigo, Sindangan, Godod, ug Siayan, kini karon ang ilang tutukan ilabi na nga daghan pa gihapong madala sa mga pasalig sa NPA.
Kagahapon gi presentar ang tulo ka mga NPA nga mibalik sa gobyerno nga sila si Alyas Jobert taga Leon B. Postigo, ug si Alyas Danica taga lungsod sa Godod ug asawa kini ni alyas Jobert.
Lakip usab nga misurender si kumander Jimmy nga taga Godod kinsa adunay 6 ka tawo nga gidala.
Matod pa sa tulo ka mga rebelde, mibalik sila sa gobyerno tungod kay dili nila makaya ang sige ug baktas sa bukid unya layo sa ilang pamilya.
Hinungdan nga naka hukom sila nga mokanaog sa bukid, ug manimuyo nga simple lang ang kinabuhi nga walay angay kabalak-an
